အဖွဲ့လိုက် အလုပ်လုပ်ပုံ

အခြေခံ Workflow

လူအများကြီး ဝိုင်းပြီး Code တွေ ရေးကြတဲ့အခါ main Branch ထဲကို အကုန်လုံးက တိုက်ရိုက် push လုပ်ကြရင် အရမ်း ရှုပ်ထွေးသွားပြီး Code တွေ ပျက်စီးသွားတတ်ပါတယ်။ အဲ့ဒီလို မဖြစ်ရအောင် အပြောင်းအလဲတွေကို အဖွဲ့လိုက် စနစ်တကျ တင်ပြဖို့နဲ့ ပေါင်းစပ်ဖို့ သေချာ စီမံထားတဲ့ နည်းလမ်းတစ်ခု လိုအပ်ပါတယ်။

Feature Branch Workflow (ရိုးရှင်းသော “GitHub Flow” ပုံစံ)

ဒါက အဖွဲ့လိုက် အလုပ်လုပ်ဖို့အတွက် အရမ်း အသုံးများပြီး အကျိုးရှိတဲ့၊ နားလည်ရ လွယ်ကူတဲ့ နည်းလမ်းတစ်ခု ဖြစ်ပါတယ်။

1. main ကနေ အမြဲ စတင်ပါ

ကိုယ့် Local main Branch က Remote main နဲ့ နောက်ဆုံး အခြေအနေ (Up-to-date) တူညီနေဖို့ အမြဲ သေချာပါစေ။
git switch main သွားပြီး git pull origin main လို့ ရိုက်ပါ။

2. Branch အသစ် တစ်ခု ဖန်တီးပါ

အလုပ်အသစ်တစ်ခု (Feature, Bug Fix, ဒါမှမဟုတ် စမ်းသပ်မှုတစ်ခု) လုပ်တော့မယ်ဆိုရင် main ကနေ Branch အသစ်တစ်ခု အမြဲ ခွဲထုတ်ပါ။
git switch -c <branch-name>

3. ကိုယ့်အလုပ်တွေကို အဲ့ဒီ Branch ပေါ်မှာပဲ လုပ်ပါ

လိုအပ်တဲ့ ပြောင်းလဲမှုတွေ လုပ်ပြီး commit မှတ်ပါ။
အသေးစား commit လေးတွေ များများ ခွဲပြီး မှတ်ဖို့ အကြံပြုပါတယ်။

4. ကိုယ့် Branch ကို Push လုပ်ပါ (main ကို မဟုတ်ပါ!)

git push -u origin <branch-name>
( -u ကို ဒီ Branch အတွက် ပထမဆုံးအကြိမ် Remote ဆီ Push လုပ်တဲ့အခါ ထည့်သုံးဖို့ မမေ့ပါနဲ့)။

5. main Branch က အမြဲတမ်း Clean ဖြစ်နေပါမယ်

ဒီ အဆင့်တွေ အားလုံးမှာ ကိုယ်က Remote ပေါ်က main Branch ကို တိုက်ရိုက် Push လုပ်လိုက်တာ လုံးဝ မရှိပါဘူး။ ကိုယ့် Branch နဲ့ ကိုယ် သီးသန့် အလုပ်လုပ်သွားတာ ဖြစ်ပါတယ်။ ပြီးမှ PR ကနေတဆင့် တရားဝင် တင်ပြရမှာပါ။

အဖွဲ့လိုက် အလုပ်လုပ်ပုံ

အခြေခံ Workflow

Feature Branch Workflow (ရိုးရှင်းသော “GitHub Flow” ပုံစံ)

Video Lesson