ကိုယ့် Story ကို သပ်ရပ်အောင် ပြင်ဆင်ခြင်း - git rebase အကြောင်း

ရည်ရွယ်ချက်

git rebase ရဲ့ အခြေခံ သဘောတရားကို နားလည်ပြီး၊ Local History ကို ရှင်းလင်းတာနဲ့ Remote Branch က အပြောင်းအလဲတွေကို ထည့်သွင်းတာတွေမှာ ဘယ်လို အသုံးပြုရမလဲ ဆိုတာ လေ့လာနိုင်ဖို့ ဖြစ်ပါတယ်။ git merge နဲ့ ဘယ်လို ကွာခြားသလဲ ဆိုတာနဲ့ “Rebase ရဲ့ Golden Rule” ကိုပါ သိရှိနိုင်မှာပါ ခင်ဗျာ။

git rebase ဆိုတာ ဘာလဲ? (ကိုယ့် Story ကို ပြန်ရေးခြင်း)

git rebase ဆိုတာ -

• Branch တစ်ခုက Commits တွေကို Commit အသစ်တစ်ခုအဖြစ် ပြန်လည် တည်ဆောက်တဲ့ နည်းလမ်းတစ်ခုပါ။
• ကိုယ့် Branch ရဲ့ စတင်တဲ့နေရာ (Base) ကို ပြောင်းလဲပစ်လိုက်တာ ဖြစ်ပါတယ်။
• ကိုယ်က အခုမှ တခြားနေရာကနေ အလုပ်စခဲ့သလိုမျိုး ဖြစ်သွားစေပါတယ်။
• အလွယ်ပြောရရင် Commit History ကို ပြန်လည် ရေးသားလိုက်တာပါ။

အသုံးပြုပုံများ (စတင်လေ့လာသူများအတွက်)

1. Local Feature Branch History ကို ရှင်းလင်းခြင်း: Merge မလုပ်ခင်မှာ မှတ်တမ်းများနေတဲ့ Commits တွေကို ပိုအဓိပ္ပာယ်ရှိတဲ့ Commits နည်းနည်းအဖြစ် ပေါင်းစပ်နိုင်ပါတယ်။ (Interactive Rebase သုံးပြီး လုပ်ပါတယ်)။
2. Parent Branch က Changes တွေကို ကိုယ့် Branch ထဲ ထည့်သွင်းခြင်း: ကိုယ့် Feature Branch ကို အမြဲ Up-to-date ဖြစ်နေအောင် ကူညီပေးပြီး၊ နောက်ဆုံး Merge လုပ်တဲ့အခါ ပိုပြီး သပ်သပ်ရပ်ရပ် ဖြစ်စေပါတယ်။

Rebase (Linear Story) vs. Merge (Preserves Divergence)

Scenario 1: Feature Branch ကို main က Changes တွေနဲ့ Update လုပ်ခြင်း

ပြဿနာ: ကိုယ်က main ကနေ my-feature ဆိုပြီး Branch သစ်ခွဲခဲ့တယ်။ ကိုယ် အလုပ်လုပ်နေတုန်းမှာ main မှာ အရေးကြီးတဲ့ Updates တွေ ဝင်လာတယ်။ ကိုယ်က အဲ့ဒီ Updates တွေကို အခု လက်ရှိ လုပ်နေတဲ့ my-feature ထဲကို သပ်သပ်ရပ်ရပ် ထည့်သွင်းချင်တယ်။

ဘယ်လို လုပ်မလဲ?

1. အရင်ဆုံး main ကို Update လုပ်ပါ

Bash

git switch main
git pull origin main

2. my-feature Branch ကို ပြန်ပြောင်းပါ

Bash

git switch my-feature

3. main ပေါ်မှာ Rebase လုပ်ပါ

Bash

git rebase main

ဘာဖြစ်သွားသလဲ?

Git က my-feature နဲ့ သက်ဆိုင်တဲ့ Commits တွေကို ခဏ ဘေးဖယ်ထားလိုက်ပါတယ်။ အဲ့ဒီနောက် main က Update Commits တွေကို အရင်ယူပြီး၊ စောစောက ဖယ်ထားတဲ့ my-feature ရဲ့ Commits တွေကို main ရဲ့ အပေါ်မှာ တစ်ခုချင်းစီ ပြန်တင်ပေးလိုက်ပါတယ်။

Conflicts

Rebase လုပ်နေစဉ်မှာ Merge လုပ်သလိုမျိုးပဲ Conflicts တွေ ကြုံရနိုင်ပါတယ်။ ပြန်တင်နေတဲ့ Commit တစ်ခုချင်းစီအတွက် ဖြေရှင်းရပါမယ်။ ဖြေရှင်းပြီးရင် git add <resolved file name> လုပ်ပါ။ ပြီးရင် git rebase --continue လို့ ရိုက်ရပါမယ်။ (မလုပ်တော့ဘူးဆိုရင် git rebase --abort နဲ့ ရပ်တန့်နိုင်ပါတယ်)။

အကျိုးကျေးဇူး

အခုဆိုရင် my-feature Branch မှာ main ရဲ့ Updates တွေ အားလုံး ပါဝင်သွားပါပြီ။ ကိုယ်က main Updates တွေ ရပြီးမှ Feature ကို စခဲ့သလို ဖြစ်သွားလို့၊ နောက်ဆုံး main ထဲ Merge လုပ်တဲ့အခါ သပ်ရပ်တဲ့ Fast-forward Merging မျိုး ဖြစ်သွားမှာပါ ခင်ဗျာ။

Scenario 2: Interactive Rebase (git rebase -i) ဖြင့် Local Commits များကို ရှင်းလင်းခြင်း

ပြဿနာ: ကိုယ့် Local my-feature Branch ပေါ်မှာ (Push မလုပ်ခင်) "WIP", "fix typo", "another small fix" လိုမျိုး အစီအစဉ်မကျတဲ့ Commits လေးတွေ အများကြီး ရှိနေတယ်။ Pull Request မတင်ခင်မှာ ဒါတွေကို သင့်တော်တဲ့ Commits ၁ ခု၊ ၂ ခုလောက်ပဲ ဖြစ်အောင် ရှင်းလင်းချင်တယ်။

ဘယ်လို လုပ်မလဲ? (Interactive Rebase)

git rebase -i HEAD~3

(ဒါက “လက်ရှိ နေရာကနေ နောက်ဆုံး Commits (၃) ခုကို Interactive Rebase နဲ့ ပြန်ပြင်မယ်” လို့ ဆိုလိုတာပါ)

ဘာဖြစ်သွားသလဲ?

Git က သတ်မှတ်ထားတဲ့ Text Editor ကို Commits စာရင်းနဲ့ ဖွင့်ပေးပါမယ်။ Commit တစ်ခုချင်းစီအတွက် အောက်ပါ လုပ်ဆောင်ချက်တွေကို ရွေးချယ်နိုင်ပါတယ် -

• pick: Commit ကို ရှိတဲ့အတိုင်း ဆက်သုံးမယ်။
• reword (r): Commit ကို သုံးမယ်၊ ဒါပေမဲ့ Message ကို ပြင်ရေးမယ်။
• squash (s): ဒီ Commit ရဲ့ Changes တွေကို အပေါ်က Commit ထဲ ပေါင်းထည့်မယ် (Message ကိုလည်း ပေါင်းစပ်မယ်)။
• fixup (f): Squash နဲ့ ဆင်တူပေမဲ့၊ ဒီ Commit ရဲ့ Message ကိုတော့ ပယ်ဖျက်လိုက်မယ်။

မှတ်ချက်

အဓိကကတော့ rebase -i ကို သုံးပြီး Commits တွေကို ပြန်ပြင်ဆင်နိုင်တာပါ။ အသုံးများတာကတော့ Commits အသေး ၃ ခုလောက်ကို ၁ ခုတည်း ဖြစ်အောင် ပေါင်းလိုက်တာမျိုး (Squash/Fixup လုပ်တာမျိုး) ပါ။

ဥပမာ

pick 37709fc WIP
pick 3980a2f fix typo  # ဒါကို 's' သို့မဟုတ် 'squash' လို့ ပြောင်းပါ
pick f259ca8 actual feature work # 'pick' ကို 'r' သို့မဟုတ် 'reword' လို့ ပြောင်းပါ

ရှင်းလင်းချက်

• ပထမစာကြောင်း: WIP ဆိုတဲ့ Commit ကို ဘာမှ မပြောင်းဘဲ ထားတာပါ။
• ဒုတိယစာကြောင်း: fix typo ဆိုတဲ့ Commit ကို မယူတော့ဘဲ၊ အပေါ်က (WIP) ထဲကို Changes တွေ ပေါင်းထည့်လိုက်တာပါ။
• တတိယစာကြောင်း: actual feature work ကိုတော့ ယူမယ်၊ ဒါပေမဲ့ Message ကို ပြန်ပြင် (reword) မယ်လို့ ပြောတာပါ။

Save လုပ်ပြီးတဲ့အခါ -

• Git က Commit အသစ်ရဲ့ Message ကို ပြန်ရေးဖို့ Editor တစ်ခု ထပ်ဖွင့်ပေးပါလိမ့်မယ်။ အဲ့ဒီမှာ WIP နဲ့ fix typo စာသားတွေ ပါနေတတ်ပြီး၊ နှစ်ခုပေါင်းပြီး ပိုရှင်းလင်းတဲ့ Message အသစ် ရေးပေးလို့ ရပါတယ်။
• ပြီးရင် reword အတွက်လည်း Editor ထပ်ပွင့်လာပြီး ‘actual feature work’ ဆိုတဲ့ Message ကို လိုသလို ပြန်ပြင်နိုင်ပါတယ် ခင်ဗျာ။

သတိပြုရန်

Push ပြီးသား Shared History တွေကို လုံးဝ (လုံးဝ) Rebase မလုပ်ပါနဲ့။

အဲ့ဒီ Shared Commits တွေအပေါ် မူတည်ပြီး အလုပ်လုပ်နေတဲ့ တခြားသူတွေ ရှိနေနိုင်လို့ပါ။ Rebase က History ကို ပြန်ပြင်ရေးတာ ဖြစ်လို့၊ ကိုယ့် Teammates တွေရဲ့ History နဲ့ လုံးဝ ကွဲလွဲပြီး ပြဿနာ အကြီးကြီး တက်နိုင်ပါတယ်။

Push မလုပ်ရသေးတဲ့ ကိုယ်ပိုင် Local Branch မှာသာ Commits တွေ ရှုပ်နေရင် Rebase သုံးပါ ခင်ဗျာ။