Advanced Techniques and Quick Fixes

ရည်ရွယ်ချက်

ဒီအပိုင်းမှာ git commit ကို ပြင်ဆင်နည်း၊ File တွေကို Unstage လုပ်နည်းနဲ့ မသိမ်းရသေးတဲ့ Local Changes တွေကို ဘယ်လို ပယ်ဖျက်ရမလဲ ဆိုတာ လေ့လာနိုင်ဖို့ ဖြစ်ပါတယ် ခင်ဗျာ။

Quick Fixes - Commit ပြင်ခြင်းနှင့် Local Changes ကို Undo လုပ်ခြင်း

git commit --amend

နောက်ဆုံး Commit ကို ပြင်ချင်တာ၊ File တစ်ခုခု ထပ်ထည့်ချင်တာ ဒါမှမဟုတ် Commit Message စာလုံးပေါင်း မှားသွားတာတွေကို ဒီ Command နဲ့ ပြင်ဆင်နိုင်ပါတယ်။

ဘယ်လို လုပ်မလဲ?

အကယ်၍ File တစ်ခု ထည့်ဖို့ မေ့သွားတယ်ဆိုရင် -

Bash

git add <file name>
git commit --amend

သတိပြုရန်

git commit --amend ကို Push မလုပ်ရသေးတဲ့ Commits တွေမှာပဲ သုံးပါ။ Amending က History ကို ပြန်ပြင်ရေးတာ ဖြစ်လို့၊ Push ပြီးသားဆိုရင် ပြဿနာ တက်နိုင်ပါတယ် ခင်ဗျာ။

git reset HEAD <file>

ဒါက File တစ်ခုကို Stage မှာ ထည့်ထားရာကနေ ပြန်ဖြုတ်တာပါ။ File ထဲက Changes တွေကတော့ မပျောက်သွားပါဘူး။ git add လုပ်ပြီးမှ မှားသွားတာတွေကို Unstage ပြန်လုပ်ချင်ရင် သုံးပါတယ်။

Command: git reset HEAD <file နာမည်>

(အကုန်လုံးကို Unstage လုပ်ချင်ရင်တော့ git reset HEAD လို့ သုံးပါ)

git checkout -- <file> (သတိထားပြီး သုံးပါ)

ဒါက File တစ်ခုထဲက လက်ရှိ ပြင်ထားတဲ့ Changes တွေကို လုံးဝ ပယ်ဖျက်ပစ်လိုက်တာပါ။ File ကို နောက်ဆုံး Commit (HEAD) အတိုင်း ပြန်ပြောင်းပေးပါတယ်။

File ထဲမှာ ပြင်ထားတာတွေ မလိုချင်တော့ဘူးဆိုရင် သုံးနိုင်ပါတယ်။

Command: git checkout -- <file နာမည်>

သတိပေးချက်!

ဒီ Command ကို သုံးလိုက်ရင် Commit မလုပ်ရသေးတဲ့ Changes တွေ အကုန် ပျက်သွားပါမယ်။ ပြန်ပြင်လို့ မရနိုင်တော့ပါဘူး။ ၁၀၀% သေချာမှသာ သုံးပါ။ (git restore <filename> က နည်းနည်း ပိုလုံခြုံပြီး ပိုရှင်းလင်းပါတယ်။ ရနိုင်ရင် git restore ကို သုံးဖို့ အကြံပြုပါတယ် ခင်ဗျာ)။

အနှစ်ချုပ်

--amend က နောက်ဆုံး Commit ကို ပြင်ဖို့၊ reset HEAD က Stage ကနေ ပြန်ဖြုတ်ဖို့၊ checkout -- က Commit မလုပ်ရသေးတဲ့ Changes တွေကို ပယ်ဖျက်ဖို့ အသုံးပြုပါတယ်။

Video Lesson