ကိုယ့် Story ကို သပ်ရပ်အောင် ပြင်ဆင်ခြင်း - git rebase အကြောင်း

ရည်ရွယ်ချက်

git rebase ရဲ့ အခြေခံ သဘောတရားကို နားလည်ဖို့၊ local history ကို ရှင်းလင်းဖို့နဲ့ remote branch က changes များကို ထည့်သွင်းဖို့ အသုံးပြုပုံများကို လေ့လာရန်။ git merge နဲ့ ဘယ်လို အခြေခံကျကျ ကွာခြားလဲဆိုတာ နားလည်ဖို့နဲ့ “Rebase ရဲ့ Golden Rule” ကို သင်ယူဖို့။

git rebase ဆိုတာဘာလဲ? ကိုယ့်ရဲ့ Story ကို ပြန်ရေးခြင်း

git rebase ဆိုတာ:

• branch တစ်ခုက commits တွေကို commit အသစ်တစ်ခု အဖြစ် ပြန်လုပ်တဲ့နည်းလမ်းတစ်ခုပါ
• ကိုယ့် branch ရဲ့ စတင်တဲ့နေရာကို ပြောင်းလဲလိုက်တာဖြစ်ပါတယ်
• ကိုယ်က အခုမှ တခြားနေရာကနေ အလုပ်စခဲ့သလို ဖြစ်သွားတာပါ
• commit history ကို ပြန်ရေးတာဖြစ်ပါတယ်

အသုံးပြုပုံများ (စတင်လေ့လာသူများအတွက်):

1. Local feature branch history ကို ရှင်းလင်းခြင်း:

   • merging မလုပ်ခင် multiple commits တွေကို ပိုအဓိပ္ပာယ်ရှိတဲ့ commits အဖြစ် ပေါင်းစပ်ခြင်း (interactive rebase သုံးပြီး)

2. Parent branch က changes တွေကို ကိုယ့် feature branch ထဲ ထည့်သွင်းခြင်း:

   • ကိုယ့် feature branch ကို up-to-date ဖြစ်အောင် ကူညီနိုင်ပြီး နောက်ဆုံး merge ကို ပိုပြီး သပ်သပ်ရပ်ရပ် ဖြစ်စေပါတယ်

Rebase (Linear Story) vs. Merge (Preserves Divergence)

Scenario 1: ကိုယ့် Feature Branch ကို main ရဲ့ Changes များနဲ့ Update လုပ်ခြင်း

ပြဿနာ: ကိုယ်က main ကနေ my-feature ကို ဖန်တီးခဲ့တယ်။ ကိုယ် အလုပ်လုပ်နေတုန်းမှာ main မှာ အရေးကြီး updates တွေ ရရှိခဲ့တယ်။ ကိုယ်က ဒီ updates တွေကို အခု လက်ရှိလုပ်နေတဲ့ my-feature ထဲ ထည့်သွင်းချင်တယ်။

ဘယ်လိုလုပ်မလဲ?

1. အရင်ဆုံး main ကို update လုပ်ပါ

Bash

git switch main
git pull origin main

2. my-feature ကို ပြန်ပြောင်းပါ

Bash

git switch my-feature

3. main ပေါ်မှာ Rebase လုပ်ပါ

Bash

git rebase main

ဘာဖြစ်သွားလဲ?

Git က my-feature နဲ့ သက်ဆိုင်တဲ့ commits တွေကို ခန ဘေးဖယ်ထားတယ်။ main ရဲ့ update commits တွေကို ယူပြီးတော့ ခုန က ဖယ်ထားတဲ့ my-feature ရဲ့ commits တွေကို main ရဲ့ အပေါ်မှာ တစ်ခုချင်းစီ ပြန်တင်တယ်။

Conflicts

Rebase လုပ်နေစဉ် conflicts တွေ ကြုံရနိုင်တယ်။ Merging နဲ့ ဆင်တူတယ်။ ပြန်တင်နေတဲ့ commit တစ်ခုချင်းစီအတွက် conflicts တွေ ရှိနိုင်တယ်။ ကိုယ်က သူတို့ကို ဖြေရှင်းရမယ်။ git add <resolved file name> ရိုက်ရမယ်။ ပြီးရင် git rebase --continue လို့ ရိုက်ရမယ်။ (ရပ်တန့်ဖို့ git rebase --abort )။

အကျိုးကျေးဇူး

ကိုယ့် my-feature branch မှာ main ရဲ့ updates တွေ အားလုံး ပါဝင်သွားပြီ။ ကိုယ်က main updates တွေ ပြီးမှ ကိုယ့် feature ကို စခဲ့သလို ဖြစ်သွားတာပါ။ ဒါက my-feature ကို main ထဲ နောက်ဆုံး merge လုပ်တဲ့အခါ သပ်ရပ်တဲ့ fast-forward merging ဖြစ်စေပါတယ်။

Scenario 2: Interactive Rebase (git rebase -i) ဖြင့် Local Commits များကို ရှင်းလင်းခြင်း

ပြဿနာ: ကိုယ့် local my-feature branch ပေါ်မှာ (push မလုပ်ခင်) ကိုယ်က "WIP", "fix typo", "another small fix" လိုမျိုး အစီအစဉ်မကျတဲ့ commits များစွာ လုပ်ခဲ့တယ်။ Pull Request တစ်ခု မဖန်တီးခင် ဒါကို တစ်ခု၊ နှစ်ခု လောက်ပဲရှိတဲ့ သင့်တော်တဲ့ commits အဖြစ် ရှင်းလင်းချင်တယ်။

ဘယ်လိုလုပ်မလဲ? (Interactive Rebase)

git rebase -i HEAD~3

(ဒါက “လက်ရှိနေရာကနေ နောက်ဆုံး commits သုံးခုကို ပြန်ပြင်မယ် (interactive rebase)” လို့ ဆိုလိုတယ်)

ဘာဖြစ်သွားလဲ Git က ကိုယ့် သတ်မှတ်ထားတဲ့ text editor ကို commits စာရင်းနဲ့ ဖွင့်တယ်။ commit တစ်ခုချင်းစီအတွက် ကိုယ်က လုပ်ဆောင်မှု တစ်ခုကို ရွေးနိုင်တယ်:

• pick: commit ကို ရှိတဲ့အတိုင်း သုံးပါ
• reword (r): commit ကို သုံးပါ၊ ဒါပေမဲ့ message ကို ပြင်ပါ
• squash (s): ဒီ commit ရဲ့ changes တွေကို အရင် commit ထဲကို ပေါင်းထည့်ပါ၊ messages တွေကိုလည်း ပေါင်းစပ်ပါ
• fixup (f): squash နဲ့ ဆင်တူတယ်၊ ဒါပေမဲ့ ဒီ commit ရဲ့ message ကို ပယ်ဖျက်ပါ (တခြား actions တွေလည်း ရှိသေးတယ်၊ ဒါပေမဲ့ ဒါတွေက အသုံးများဆုံးပါ)

မှတ်ချက်

အဓိက ကတော့ rebase -i ကို သုံးပြီး commits တွေကို ပြန်လည် ပြင်ဆင်နိုင်တယ်။ အသုံးများတာကတော့ ဥပမာ commits ၃ ခုကို ၁ ခုထဲ အဖြစ် ပြန်ပြောင်းတာမျိုး၊ ကိုယ်လိုချင်တဲ့ commit ကို pick လုပ်ပြီး မလိုချင်တဲ့ commit ကို squash or fixup လုပ်လိုက်တာမျိုးပါ။

ဥပမာ:

pick 37709fc WIP
pick 3980a2f fix typo  # ဒါကို 's' သို့မဟုတ် 'squash' လို့ ပြောင်းပါ
pick f259ca8 actual feature work # 'pick' ကို 'r' သို့မဟုတ် 'reword' လို့ ပြောင်းပါ

ရှင်းလင်းချက်

• ပထမ စာကြောင်း က WIP ဆိုတဲ့ commit ကို ဘာမှ မပြောင်းဘဲ ထားတာပါ။
• ဒုတိယ စာကြောင်း က fix typo ဆိုတဲ့ commit ကို မယူတော့ဘဲ changes တွေကို သူ့အပေါ်က commit (WIP) ထဲပေါင်းထည့်လိုက်တာပါ။
• နောက်ဆုံးစာကြောင်း ကတော့ actual feature work ဆိုတဲ့ commit ကို ယူပြီး reword ကတော့ commit message ကို ပြန်ပြင်မယ်လို့ ပြောတာပါ။

save ပြီးတဲ့ အခါ -

• Git က ဒီ commit အသစ်ရဲ့ message ကို ပြန်ရေးဖို့ editor တစ်ခု ပွင့်လာပေးပါလိမ့်မယ်။ အဲဒီမှာ WIP ရယ် fix typo ရယ် နှစ်ခုလုံးရဲ့ စာသားတွေ ပါနေတတ်ပြီး အဲဒီနှစ်ခုကို ပေါင်းပြီး ပိုရှင်းလင်းတဲ့ message အသစ်တစ်ခု ရေးလို့ရပါတယ်။

• ပြီးတော့ reword အတွက် Git က message ကို ပြန်ရေးဖို့ editor တစ်ခု ပွင့်လာပေးပါလိမ့်မယ်။ ‘actual feature work’ ဆိုတဲ့ message ကို ပြန်လည် ပြင်ဆင်နိုင်ပါတယ်။

သတိပြုရန်

push ပြီးသား shared history တွေကို rebase လုံးဝ မလုပ်ပါနဲ့။ ဘာဖြစ်လို့လဲ ဆိုတော့ အဲ့ဒီ shared commits ပေါ် မူတည်ပြီး အလုပ်လုပ်နေတဲ့ သူတွေရှိနေနိုင်ပါတယ်။ rebase က လဲ commit history ကို ပြန်ပြင်တာဖြစ်လို့ ကိုယ့် teammates တွေမှာ ရှိတဲ့ history နဲ့ သိသိသာသာ ကွဲလွဲ သွားပါလိမ့်မယ်။

push မလုပ်ရသေးတဲ့ local branch မှာသာ commits တွေရှုပ်နေရင် rebase လုပ်ပါ။