Hash Maps (The King of Speed)

Hash Maps (Objects / Dictionaries)

Data Structure လောကမှာ “အမြန်ဆုံး” ဆုကို ပေးရမယ်ဆိုရင် Hash Map က ဗိုလ်စွဲမှာ သေချာပါတယ်။ Array တွေလို Index 0, 1, 2 နဲ့ မဟုတ်ဘဲ၊ ကိုယ်ပိုင်နာမည် (Key) နဲ့ သိမ်းလို့ရပါတယ်။

• phone_book["Mg Mg"] = “0912345678”
• menu["Burger"] = “$5”

Constant Time $O(1)$ Lookup

Array တွေမှာ “Mg Mg” ကို ရှာချင်ရင် ခေါင်းကနေ အဆုံးထိ လိုက်မွှေရနိုင်တယ်။ ($O(n)$) Hash Map မှာတော့ “Mg Mg” ဆိုတာ ဘယ်နေရာမှာ ရှိလဲဆိုတာကို Hash Function က တန်းတွက်ပေးလိုက်တဲ့အတွက် ချက်ချင်း ရှာတွေ့ပါတယ်။ ($O(1)$)

Handling Collisions

မတူညီတဲ့ Key နှစ်ခု (ဥပမာ “Apple” နဲ့ “Ava”) ကို Hash လုပ်လိုက်တဲ့အခါ တိုက်ဆိုင်စွာနဲ့ နေရာတစ်ခုတည်း (Index တူတူ) သွားကျနေတာမျိုး ဖြစ်တတ်ပါတယ်။ ဒါကို Collision လို့ခေါ်တယ်။ ဒါကို ဖြေရှင်းဖို့ နည်းလမ်းတွေ (ဥပမာ - ကြပ်နေတဲ့ အခန်းမှာ Linked List လေး ထပ်ချိတ်လိုက်တာမျိုး) ရှိပါတယ်။ ဒါပေမယ့် Programming Language တော်တော်များများက နောက်ကွယ်မှာ အလိုလို ဖြေရှင်းပေးထားပြီးသားပါ။

Project: Spell Checker

Dictionary တစ်ခု တည်ဆောက်မယ်။ စာလုံးပေါင်း မှန်/မမှန် စစ်ချင်တယ်။ English Dictionary ထဲမှာ စာလုံးပေါင်း သိန်းချီ ရှိနိုင်တယ်။ Array နဲ့ ရှာရင် အရမ်းကြာမယ်။ Hash Map (Set) ထဲမှာ ထည့်ထားရင် if word in dictionary: ဆိုပြီး စစ်လိုက်တာနဲ့ ချက်ချင်း အဖြေထွက်ပါတယ်။